Skattsvikarar á ofurlaunum.

Þetta er athyglisverður dómur - einkar, afar athyglisverður!

Ef skattsvikarinn ákveður að borga ekki 45,6 milljónirnar sem hann fékk í sekt þá þarf (fær) hann að sitja sektina af sér með 6 mánaða fangelsi. Þetta reiknast mér til að séu 7,6 milljónir sem hann sparar sér/þénar í hverjum mánuði á meðan á fangelsisdvölinni stendur.

Hann er á margföldum launum forsætisráðherra sem skattsvikari. Þetta ættu að heita skattsvikaverðlaun frekar en nokkuð annað. Fyrst að það er tekið á skattsvikum með svona silkihönskum þá ætti að sjálfsögðu að gefa heiðvirðum borgurum sem hafa farið illa út úr kreppunni kost á að sitja inni í 2-3 mánuði og fá þessi laun á móti og bjarga þar með fjárhag sínum.

 

Skilorðsbundið fangelsi og 45,6 milljónir í sekt fyrir skattsvik

Athugasemdir

[Jakob Þór Haraldsson, 22.10.2009 kl. 13:00]

Þú gleymir að taka með "laun hans í fangelsi" en hann fær úthlutað ca. 45.000 krónum á mánuði, frítt húsnæði - sparar þar í húsaleigu ca.55.000 krónur þannig að þetta er "góður díl - í raun tær snild" - auðvitað verður að breyta lögum & refsiramanum og fara að taka harðar á "hvítflipa glæpamönnum...!"

kv. Heilbrigð skynsemi (fun.blog.is)

[Árni (IP-tala skráð) 22.10.2009 kl. 13:36]

Það er svolítil hundalógík að reikna sektir sem laun, en það er svo sem eftir öðru í íslensku þjóðfélagi.

Ætli hann geti farið með sektarinnheimtuna í Bónus og keypt í matinn fyrir hana?

Og sem gamall endurskoðandi sem hefur séð ýmislegt, þá eru svona undanskot í fæstum tilvikum til að auðgast, heldur komast menn í klemmu með reksturinn og asnast til að sleppa skilum á opinberum gjöldum, til að halda áfram rekstri og sjá sér farborða.

Ég hef orðið var við að margir, sérstaklega ríkisstarfsmenn, eiga í erfiðleikum með að skilja hvernig þessir hlutir ganga fyrir sig. Til einföldunar að þá eru svona ógæfumenn þeir einu sem svara til saka á Íslandi. Þeir sem hafa sterkan og yfirvegaðan brotavilja finna aðferðir til að snuða ríkið og aðra án þess að vera gripnir. 

[Halldór Kvaran, 22.10.2009 kl. 14:50]

Sæll Árni.

 Að sjálfsögðu er þetta ekkert annað en hundalógík. Sumir klúðrast inn í svona mál og aðrir standa í þessu af ásettu ráði. Ef viðurlögin eru svona léttvæg þá auðvitað freistast menn til að fara leiðir sem þeir annars færu ekki. 

Ég held þó að margir Íslendingar bíði eftir því að sjá hvernig tekið verður á útrásarvíkingunum og skattamálum þeirra. Einn átti 2 hús í Þingholtunum og villu í London uppá 1.5 milljarð held ég og svo eitthvað smotterí annað sem honum hafði áskotnast í viðskiptum. Eins og þetta lítur út þá hafa þessir menn verið að spila með annarra manna peninga og tekið slatta af sjóðunum til að koma sér fyrir. Svo tapast allt nema víkingarnir standa eftir með eignirnar. Hvort að þessir víkingar hafi staðið skil á sköttum og gjöldum af tekjunum áður en rennt var í fjárfestingarnar vitum við ekkert um. Við eigum kannski eftir að sjá fréttir þess efnis að einhver víkingurinn hafi stungið undan nokkur hundruð milljónum. Það verður fróðlegt að sjá hvernig dæmt verður í slíku máli!!!