Vanaafbrotamaður!!!!

Vanaafbrotamaður!!!

Hvernig getur maður orðið vanaafbrotamaður?  Er þetta næsta við það að verða atvinnuafbrotamaður?

Er þetta maður sem er vanur afbrotamaður? Býður kerfið uppá það menn geti brotið af sér þangað til þeir eru orðnir vanir eða komir í gott afbrotaform?

Er þetta maður sem leggur afbrot í vana sinn? Hobbýafbrotamaður?

Brýtur hann af sér af gömlum vana? Er þetta maður sem uggir ekki af sér og veit ekki fyrr en hann er búinn að brjóta af sér einu sinni enn og það af gömlum vana?

10 mánaða fangelsi fyrir fjölda afbrota

Athugasemdir

[anna-panna, 21.2.2008 kl. 18:20]

Er þetta ekki bara nýyrði  yfir "síbrotamaður" sem er orðið notað og þvælt og einhverjum "snillingnum" hefur dottið í hug að fríska upp á afbrotafréttina ?

[Óskar Arnórsson, 21.2.2008 kl. 20:17]

....síbrotamaður er sá einstaklingur í þjóðfélaginu sem Félagsmálaapparatið er búin að útiloka. Þeir brjóta af sér til að komast í húsaskjól og mat.  Leiðinlegt að  lesa  niðurlægingu á ógæfufólki.  Ég vona að þú sjálfur lendir ekki í þeim vítahring fólks, sem  þú ert að hæðast að með þessum barnalegu skrifum þínum....

[Óskar Arnórsson, 21.2.2008 kl. 20:21]

...ég gleymdi einu! Fangelsi eru ávanabindandi. það þurfti einu sinni að kalla til lögreglu til að koma fanga út af Litla-Hrauni eftir að afpánun var lokið...ég man ekki hvort hann var dæmdur fyrir það. En hann hefur ábuggilega gert eitthvað til að komast "heim" aftur...þetta er sjúkt fólk sem ekkert er gert fyrir...

[Halldór Kvaran, 21.2.2008 kl. 21:55]

Blessaður Óskar.

Athugasemdin mín hefur ekkert með vanaafbrotamanninn að gera og það sem hann var að gera. Ég er meira en sammála athugasemdinni þinni (fyrir utan misskilninginn).

Ég hef lengi verið og er enn þeirrar skoðunar að kerfið er gjörsamlega að klikka þegar loksins er tekið í taumana þegar menn eru búnir að brjóta allt of oft af sér. Ef menn lenda einu sinni upp á kant við kerfið þá á að skoða vandamálið gaumgæfilega - ef menn komast aftur upp á kant við kerfið þá þarf að finna vandamálið og gera viðeigandi ráðstafanir. Með öðrum orðum: taka í taumana áður en í óefni er komið.

[Halldór Kvaran, 21.2.2008 kl. 22:09]

...ég gleymdi einu! Ég er líka þeirrar skoðunar að fangelsi á að vera síðasta úrræðið sem gripið er til. Það eru örugglega 95% þeirra sem sitja í fangelsi alkóhólistar og fá sína dóma og sitja inni fyrir sjúkdóminn. Kerfið bregst við með því að fjarlægja (reyna að fjarlægja) meinið (með halda mönnum frá götunni og því efni sem þeir vilja) en vinna ekkert í meininu (remover the cause but not the sympthom).

[Halldór Kvaran, 21.2.2008 kl. 22:13]

æ það slæddist þarna inn villa og síðasta málsgreinin átti að vera: fjarlægja meinið en vinna ekkert í orsökinni/einkennunum/sjúkdómnum. (Hentug þýðing óskast)

[kvareran (IP-tala skráð) 21.2.2008 kl. 23:15]

farðu að sofa bróðir hehe (-_-) jr.

ps. verið að meina amatör glæpon 

[Óskar Arnórsson, 22.2.2008 kl. 19:07]

Alveg rétt hjá þér Halldór. Þegar menn reikna út, eins og hagfræðingar, vegna þess að þeir eru komnir í þrot, hvaða afbrot  á að fremja, á hvaða tíma og  leggja fram játningar  nákvæmlega vitandi hvaða dóm þeir fá, hvenær þeir byrja afplánun og þ.h. Vetrartíminn er eftirsóttur afplánunartími hjá þessum hópi. Ég vann sem ráðgjafi á Litla-Hrauni í 1 ár og 1/3 hluti fanga notar staðin vegna þess að þeir fá hvergi húsnæði! Þetta er dýrasta lausn á húsnæðisvanda sem hægt er að hugsa sér. Það myndi borga sig að gefa sumum föngum litla íbúð með öllu innbúi, það myndu spara hundruðir milljóna á ári hverju. En í réttarkerfi íslands er engin hagfræði notuð. Ekki einu sinni skynsemi! Ég hef unnið með fanga bæði innan og utan fangelsa í Svíþjóð, skoðað fangelsismál í Danmörku og Noregi en Ísland er með bilaðasta fangelsiskerfi sem ég hef nokkurntíma séð! Kerfið er svo bilað að það þyrfti að endurbyggja það frá grunni eins og hús sem er svo skemmt að það borgar sig að rífa það og byggja nýtt! Mér blöskraði svo sýstemið þarna að ég kallaði Björn Bjarnason fyrir skræfu og var rekin 5 vikum áður en verkefni mínu lauk. Og mér var nákvæmlega sama.