Halldór Kvaran

Ég var fyrir nokkru búinn að ákveða með sjálfum mér að blogga ekki um neitt nema einskinsverða hluti eins og t.d. týndar og ófundnar stjörnur og sólkerfi, og aðra fánýta hluti sem skipta litlu og engu máli.

Það er aftur á móti orðið meiriháttar mál að hafa hemil á gremjunni þegar nýjar fréttir berast af þessum delum sem virðast hafa átt stóran/stærstan þátt í hruninu og mig allt í einu langaði að skrifa eitthvað um þetta rugl. Ekki man ég til þess að hafa lesið jákvæðar fréttir af þessum klúbbi svikahrappa sem ég helst er farinn að hallast að því að kalla soraklúbb. Allt var þetta frábært í den og allir dáðust að nýju fötum keisarans en þegar upp er staðið þá virðast þessir slúbbertar flest allir eða ekki allir vera hreinir og klárir þjófar og svikahrappar. Það glampaði á ránsfenginn og allir voru afar hrifnir af glýgjunni en enginn virtist vita eða vilja vita að þetta voru allt annarra manna peningar. 

Helstu orðin sem koma upp í hugann þegar nýjar og gamlar fréttir berast af þessum óþjóðalýð eru: þjófar, lygarar, svikarar, landráðamenn, siðleysingjar og hugleysingjar. Eftir að búið er að taka á öllum þessum málum, og klára, sem að þessum kauðum snúa þá væri best að svipta þá ríkisborgararétti, koma þeim úr landi og banna þeim að koma aftur - og birta aldrei aftur fréttir af þeim.

	RÚV: Þriggja milljarða leitað
Ábyrgðarmaður færslu Tilkynna um óviðeigandi tengingu við frétt

Það virðast engin takmörk fyrir því hversu mikið á að skattleggja Íslendinga til að standa undir tekjuþörf ríkisins. Mottóið er "Íslendinga fyrir ríkið" en ætti að vera "ríkið fyrir Íslendinga". Það virðist sem það nægi að koma með nýja hugmynd eða orðskrípi að skattlagningu og þá fari hún í gegn. Búið er að hækka skatta, virðisaukaskatt, ólíu og bensín o.s.frv. o.s.frv.

Ég vil að allir skattar sem settir eru á í nafni IceSave verði eyrnamerktir IceSave og þeir verði teknir af síðar þegar búið er að ganga frá þessu ófremdarmáli. Í raun ætti að mótmæla því að verið sé að hækka hina og þessa skatta heldur ætti að setja á einn ákveðinn IceSave skatt sem ætlað er að borga upp þetta klúður. Þetta gæti t.d. verið árleg föst greiðsla pr. einstakling og til viðbótar kæmi sérstakur launatengdur greiðsluauki. Ef þessi "hækka alla skatta og allar álögur" aðferð er notuð þá sitjum við uppi með þessa skatta til eilífðar.

Við eigum svo von á enn frekari skattahækkunum og með sama framhaldi verður væntanlega farið að úthluta skömmtunarmiðum. Ísland verður alvöru kommúnistaríki þar sem landsmenn fá útborgaða skömmtunarmiða en allir peningar fara beint til ríkisins.

	Nauðsynlegt að hækka skatta
Ábyrgðarmaður færslu Tilkynna um óviðeigandi tengingu við frétt

Þetta er athyglisverður dómur - einkar, afar athyglisverður!

Ef skattsvikarinn ákveður að borga ekki 45,6 milljónirnar sem hann fékk í sekt þá þarf (fær) hann að sitja sektina af sér með 6 mánaða fangelsi. Þetta reiknast mér til að séu 7,6 milljónir sem hann sparar sér/þénar í hverjum mánuði á meðan á fangelsisdvölinni stendur.

Hann er á margföldum launum forsætisráðherra sem skattsvikari. Þetta ættu að heita skattsvikaverðlaun frekar en nokkuð annað. Fyrst að það er tekið á skattsvikum með svona silkihönskum þá ætti að sjálfsögðu að gefa heiðvirðum borgurum sem hafa farið illa út úr kreppunni kost á að sitja inni í 2-3 mánuði og fá þessi laun á móti og bjarga þar með fjárhag sínum.

	Skilorðsbundið fangelsi og 45,6 milljónir í sekt fyrir skattsvik
Ábyrgðarmaður færslu Tilkynna um óviðeigandi tengingu við frétt

Mikið svakalega er hún orðin þreytt þessi hugmyndafræði um orku til stóriðju. Íslendingar virkja allt sem hægt er að vikja fyrir hráefnisframleiðslu - m.ö.o. hluti af keðjunni sem þarf til að framleiða hráefni til iðnaðar. Háspennumöstur liggja þvers og kruss um allt land og varla hægt að snúa sér í hálfhring orðið án þess að háspennumastur blasi við.

Hráefni til iðnaðar er hráefni og hráefni má ekki kosta neitt og verðmætin eru lítil þar til hráefnið er orðið að fullbúinni vöru - hinn raunverulegi virðisauki verður annars staðar en á Íslandi.   Einhver slatti af íslendingum og aðfluttu vinnuafli fær svo vinnu í þessum verksmiðjum við að hræra í pottunum. Einhverjir fá sæmileg laun sem stjórnendur en hitt eru bara verksmiðjuverkamenn og fá borgað í samræmi við það.

Milljarðar á milljarða ofan eru settir í þessi reikningsdæmi og það virðast vera til endalausir peningar til að virkja. Þegar svo kemur að því að byggja upp nýsköpun og aðra atvinnuvegi þá er ekkert til í kassanum - þrátt fyrir allan álhagnaðinn. Nægir eru skattarnir og ekki er slegið af sköttum á eldsneyti - ekki vantar að ríkinu vantar peninginn.

Í Kína kostar vinnuafl lítið og þess vegna fer öll framleiðsla sem krefst vinnuafls til Kína - Á Íslandi kostar rafmagn lítið og þess vegna fer framleiðsla sem krefst rafmagns til Íslands. Okkur er slétt sama við hvaða aðstæður kínverjinn býr og hvað hann fær í sinn hlut og hverjar afleiðingar iðnaðarins eru - hagsmunir framleiðandans eru öllu ofar. Öllum er líka slétt sama um aðstæður á Íslandi, hvað við fáum í okkar hlut og hverjar afleiðingar iðnaðarins eru - hagsmunir framleiðandans eru öllu ofar.

Ísland er Kína norðursins.

	Mun duga ef virkjað verður
Ábyrgðarmaður færslu Tilkynna um óviðeigandi tengingu við frétt

Þessi frétt á svo sannarlega heima í heimspressunni og væri best komin á forsíðu ásamt annari frétt um dreng í Ameríkuhreppi sem var svo óheppinn að detta á reiðhjóli og rispa á sér hnéð og gera gat á buxurnar.

Það er vonandi að mbl.is fylgi þessari frétt eftir og fylgist með bata stúlkunnar bandarísku. Viðkomandi blaðamaður er víðlesinn - fylgist með Jyllands-Posten og hefur okkur á Íslandi miklar og merkilegar fréttir að færa.

Nú er bara að bíða og sjá hvort að eitthvað fleira merkilegt sé að gerast í Ameríkunni - spennan er ógnvekjandi.

	Slasaðist illa í reipitogi
Ábyrgðarmaður færslu Tilkynna um óviðeigandi tengingu við frétt